کیا آپ جانتے ہیں کہ آپ کے سر پر کتنے بال ہیں؟ بالوں سے متعلق دلچسپ حقائق

ہم سے اکثر افراد اپنے بالوں کی خوبصورتی اور مضبوطی کے حوالے سے فکر مند دکھائی دیتے ہیں لیکن دلچسپ بات یہ ہے کہ ہم بالوں سے متعلق بنیادی معلومات سے محروم ہوتے ہیں مثال کے طور پر کیا آپ جانتے ہیں کہ آپ کے سر پر کتنے بال موجود ہیں؟ اگر نہیں تو آئیے ہم آپ کو بتاتے ہیں اور ساتھ ہی بالوں سے متعلق کئی اور دلچسپ حقائق سے بھی آگاہ کرتے ہیں

ایک انسان کے سر پر اوسطاً 1 لاکھ سے 1 لاکھ 50 ہزار بال ہوتے ہیں pubmed کے مطابق 50 افراد پر کی گئی ایک تحقیق کے دوران یہ بات ثابت ہوئی کہ سر کے ایک اسکوائر انچ کے حصے پر 800 سے 1290 کے درمیان بال ہوتے ہیں

آپ کو یہ جان کر بھی حیرت ہوگی کہ سر پر بالوں کی تعداد بالوں کے رنگ کے حساب سے ہوتی ہے سنہرے بالوں کی تعداد سب سے زیادہ یعنی 1 لاکھ 50 ہزار تک جبکہ لال بال سب سے کم یعنی 90 ہزار تک ہوتے ہیں

ہمارے بال ایک سال کے دوران 6 انچ تک لمبے ہوسکتے ہیں یعنی آدھا انچ ایک مہینے میں

مردوں کے بال خواتین کے مقابلے میں زیادہ تیزی سے بڑھتے ہیں

آپ کے روزانہ 50 سے 100 بال گرتے ہیں لیکن اس کا انحصار بالوں کی دیکھ بھال پر ہوتا ہے ورنہ اس سے زیادہ بھی گر سکتے ہیں

بالوں کے رنگ کا تعلق انسان کی موروثیت سے ہوتا ہے- دنیا کے 90 فیصد افراد کے بالوں کا رنگ کالا یا بھورا ہوتا ہے

پانی آپ کے بالوں کی خصوصیات کو متاثر کر سکتا ہے- گیلے بالوں کے وزن میں 18 فیصد تک اضافہ ہوجاتا ہے جبکہ یہ 30 فیصد زیاد لمبے ہوسکتے ہیں

جسم میں کے بہت کم حصے ہیں جن پر بال نہیں ہوتے ان میں قابلِ ذکر ہاتھوں کی ہتھیلیاں اور پاؤں کے تلوے ہیں

آپ کی بڑھتی عمر کے ساتھ آپ کے بالوں کا رنگ سفید یا سرمئی ہونے کے امکان میں اضافہ ہوتا جاتا ہے- بالخصوص 30 سال کی عمر کے بعد ایک دہائی میں یہ امکان 10 سے 20 فیصد تک بڑھ جاتا ہے